Aktuelles

Bisch e glatti Boone wo Spass het am Fasnacht mache, denn due nit zeegere und kumm zue uns.
Mir sueche no Verstärkig in de Regischter  Phosuune, Bässli, Drumpeete und Sousaphon..
Oder hesch der Blausch am Voordrääble?
Gib diir e Schupf und mäld di iiber der Kontaggt oder bi unserer Präsidäntin Karola Bauer gsellmann@bluewin.ch oder  kumm doch aifach am en e  Donnschtig ab de achti z Oobe bi uns im Käller verby.
Mir loschiere im

Schränz-Gritte Keller
Steinengraben 42
4051 Basel
im 3. Untergeschoss

und fraie uns, dii bi uns deerfe z begriesse.

Ufgrund vo dr momentane Situation vo Covid-19 loschiere mir in dr Dammstross 64 in Münchestai. Momentan falle aber d’Probe jedoch vorussichtlich bis ändi Dezämber us.

Die brezyyse Broobedaate findsch in unserem Kaländer

Wenn du bi uns Passivmitglied möchtisch si, denn mäld dich grad ah Passivbeitrittskarte

Keine Veranstaltung gefunden!

Gästebuch

Toni vo de Route-Bysser-Waggis

Liebi Rätschbeeri Ich möcht mi an dääre Stell nomool ganz härzligg für Eure tolle Uffdridd an unserer Vernissage bedangge. Es isch aifach super gsi und mir hän dr Plausch gha dass e grosse Dail vo Euch no bis zum Änd bi uns bliibe isch. Mir freue uns hüt scho uff d...

Scheurer

Hallo, EUER Musik-Programm, ich bin begeistert. In Basel bin ich euren Klängen gefolgt bis zur Messe. S U P E R

Soraya Miggeli-Schränzer

Liebi Rätsch-Beeri Die drey scheenschte Dääg sind verby, schön isch es gsi! Dangge vylmol das Ihr sin cho go spiele, do drfyr nomol e ganz herzlichs Danggscheen!

Tobi Präsi Nuscheli-Waagis Rynach

Fr, 24 Februar 2017 10:20 Hallo zämme Nomal e groooossssseeessss Dankschön das Dir bi uns and Wagevernissage cho sin isch e super sach gsi. Mir wünsche Euch schöni Vorfasnacht und nodüli e super Fasnacht. Griessli Tobi

wioletapioro

hallo

Merz Markus Leimedalerbuebe

Mo, 14 August 2017 15:35 Liäbi Rätsch-Beeri Viele Dangg fyr eyre Ufftritt am Jubifescht vo de Vorstadt-Glunggi z Binninge. Spezielle Dangg, dass dir nochhär so toll bim Tanze mitgmacht händ, und e so au nomol e super Stimmig ufcho isch. Dangge vielmol und ganz liäbi...

D’Route-Bysser-Waggis

Liebi Rätsch-Beeri Mir möchte Euch uff däm Wääg nomool ganz härzligg Danggschöön saage, ass Ihr unseri Vernissage mit Eurem Uffdritt esoo berycheret hän. Es isch wie in de vergangene Joor aifach e Gnuss gsi Euch zuezloose. Mir freue uns wenn Ihr au im näggschte Joor...

patrycjakiel

hallo

Alexandra Thiers

Hallo ihr lieben Gugge - Musikerinnen, ich bedanke mich ganz herzlich, dass ihr uns heute beim Umzug in Budenheim wieder so viel Spaß bereitet habt und bin hier mittlerweile euer größter Fan ! Freue mich schon auf das nächste Jahr und bin gespannt, ob es mir in der...

Danggeschön

Liebi Rätsch-BeeriDangge vylmol für‘s Geburtsdaagskärtli, ha mi sehr gfreud...blibed gsund...ganz liebi Griessli Soraya

Zoi

Liebi Rätsch-Beeri Die drey scheenschte Dääg sind verby, schön isch es gsi! Dangge vylmol und e Rissssssssssssssssse Dangge ans Fasnachts OK . Ist super gsi. und ich freue mich auf Bummel mit euch . Gruss Zoi
  •  

Fotos

2020 |  2019 |  2018 |  2017 |  2016 |  2015 |  2014 |  2012 |  2011 |  2010 |  2009 |  2008 |  2007 |  2006 |  2005 |  DIVERSES

  • 2020 »
  • Vorfasnacht Rhyfälde

Über uns

Am 8. Maie 1980 het s in der  Baasler Faasnachtswält  e nyt alldäägligi Änderig gää. Fimf Fraue hän die eerschti Frauegugge in Baasel, underem Namme “Rätsch-Beeri”,  ins Lääbe grueffe.

Mit zwanzig Aggtive nämme mer 1981 s eerschte Mool, mit em e gfraite Durekoo ( Erfolg ),  an der Baasler Faasnacht dail. Nit ooni Stolz deerfe mer hitte uff e mee als dryssigjeerigs Bestoo zrug luege.

1992 het d IG mit ere alte Tradition broche und uns in iiri Inträssegmainschaft uffgno. Bis dert aane isch d IG e raini Männerdomääne gsii. Um so mee het uns dä Bydritt gfrait.

Hitte zelle mer stolzi 30 aggtivi Fraue und ebbe 100 Passivmitgliider.

S ganze Joor hän mer verschiideni Aggtivitääte, wo mer unseri Passive und Frinde häärzlig willkumme haisse.
Sälbverstäntlig sin mir au allewyyl an diväärse Veraastaltige fäägent verdrääte.

Aktive

Kontakt

Iir kennet dääwääg s’Kontaktformular bruuche, um is eppis mit z’teile.

9 + 10 =